საქართველოს ჩემპიონატში ბერძნულ–რომაულ ჭიდაობაში ბრინჯაოს მედალი აფხაზეთის ნაკრები გუნდის სპორტსმენმა ხვიჩია ჯონიმ მოიპოვა. მან მეტოქე 55კგ. წონით კატეგორიაში დაამარცხა და მე–3 ადგილზე გავიდა, ხოლო მე–7 ადგილი უბირია დავითს ერგო. ჩემპიონატის წესის მიხედვით, საპრიზო ადგილზე გასული ხვიჩია ჯონი საქართველოს ნაკრები გუნდის შემადგენლობაში გადაიყვანეს.შეჯიბრის ფინალი 24 იანვარს 11 საათზე ქ.ქუთაისში, საჭიდაო სპორტულ დარბაზში ჩატარდა. წელს, საქართველოს ჩემპიონატში ბერძნულ–რომაულ ჭიდაობაში 200–მდე სპორსტმენი ასპარეზობდა. შეჯიბრი როგორც მსუბუქ, ასევე მძიმე წონით კატეგორიებში ჩატარდა, რომელშიც საქართველოს ყველა რეგიონებიდან (აჭარა, ქართლი, სამეგრელო,იმერეთი და სხვა) ნაკრებმა გუნდებმა მიიღეს მონაწილეობა.
შეჯიბრს მხარს უჭერდა აფხაზეთის განათლებისა და კულტურის სამინისტრო.
შეჯიბრის ორგანიზატორი იყო საქართველოს ჭიდაობის ეროვნული ფედერაცია.