დღეს აფხაზეთის განათლებისა და კულტურის მინისტრი დალი ხომერიკი და გალის საგანმანათლებლო რესურს–ცენტრის ხელმძღვანელი ნონა შონია ერთიანი ეროვნული გამოცდების ცენტრის დირექტორს მაია მიმინოშვილს შეხვდნენ. მინისტრმა მადლიერება გამოხატა ცენტრის მიმართ იმ განსაკუთრებული ყურადღებისა და თანადგომისათვის, რომელიც გასული წლების განმავლობაში ოკუპირებული გალის რაიონისა და მთლიანად აფხაზეთის მოსწავლე ახალგაზრდობისა და მასწავლებლებისადმი იყო მიმართული. შეხვედრაზე საუბარი შეეხო ოკუპირებული ტერიტორიის მოსწავლეებისა და მასწავლებლების ერთიანი ეროვნული და სასერთიფიკატო გამოცდებისათვის მზადებას, 2011 წელს მოსალოდნელ ცვლილებებსა და კონფლიქტის ზონის აბიტურიენტთათვის მოსამზადებელი ცენტრის გახსნას.

   ქალბატონმა მაიამ აღნიშნა, რომ კვლავაც გააგრძელებს თანამშრომლობას აფხაზეთის განათლებისა და კულტურის სამინისტროსთან და გამოთქვა მზადყოფნა შეხვდეს ოკუპირებული ზონის აბიტურინეტებს და პედაგოგებს, პირადად გააცნოს მათ მიმდინარე სიახლეები, მოისმინოს მათი პრობლემები და მოამარაგოს ისინი ტესტების კრებულებითა და სახელმძღვანელოებით.