აფხაზეთის განათლებისა და კულტურის სამინისტრო იწვევს აფხაზეთის საჯარო სკოლების მოსწავლეებს მონაწილეობა მიიღონ კონკურსში „ჩემი თვალით დანახული რუსული აგრესია“.კონკურსი საქართველოს განათლებისა და მეცნიერების სამინისტროს ინიციატივით, ოკუპაციის კვირეულის ფარგლებში 30 იანვარს გამოცხადდა.

კონკურსის პირობის თანახმად, 2008 წლის აგვისტოში რუსეთ-საქართველოს ომის თემაზე დაწყებითი კლასების მოსწავლეები ნახატებს შექმნიან, ხოლო საშუალო და მაღალი საფეხურის მოსწავლეები აღნიშნულ თემატიკაზე ესსეებს დაწერენ. კონკურსში მონაწილეობას მიიღებენ საქართველოში არსებული ყველა სკოლის მოსწავლეები. აფხაზეთის განათლებისა და კულტურის სამინისტროს განათლების სამმართველო უზრუნველყოფს აფხაზეთის საჯარო სკოლების ინფორმირებულობას და დევნილი მოსწავლეების ჩართულობას.

აფხაზეთის საჯარო სკოლებში ჩატარებული კონკურსის პირველი ტურის შედეგები, გთხოვთ მოგვაწოდოთ აფხაზეთის განათლებისა და კულტურის სამინისტროში ან გადმოგვიგზავნოთ ელექტორნული ფოსტის მისამართზე არაუგვიანეს 10 თებერვლის, 18:00სთ. მისამართი: ქ. თბილისი, უზნაძის #68; აფხაზეთის ა/რ განათლებისა და კულტურის სამინისტროტელ: 95–03–24 განათლების სამმართველო. e-mail: mkvachakhia@meca.gov.ge