13-14 მარტს, აფხაზეთის მთავრობის წარმომადგენლობის ოფისში, ქალაქ ზუგდიდში (რუსთაველის #38), აფხაზეთის ა/რ განათლებისა და კულტურის სამინისტროს ხელშეწყობით ამერიკის სახელმწიფო დეპარტამენტის პროგრამით მოწვეული ინგლისური ენის ტრენერი ჯუდი ელიოტი აფხაზეთის საჯარო და ოკუპირებული ტერიტორიის სკოლების ინგლისური ენის 40– ზე მეტ პედაგოგს გადაამზადებს სასერტიფიკაციო გამოცდებისთვის. ტრენინგები ხორციელდება უფასოდ.

 დღეს, 10:00 საათზე, აღმაშენებლის #222, აფხაზეთის # 1 საჯარო სკოლის ბაზაზე იწყება კონფლიქტის ზონაში დასაქმებულ პედაგოგთა ვაუჩერული გადამზადების ტრენინგები სასერტიფიკაციო გამოცდებისთვის. პროვაიდერი და აკრედიტირებული ორგანიზაციების „ასოციაცია მშვიდობა და განათლება“, "მასწავლებელთა დახელოვნების ცენტრალური ინსტიტუტი“ და “მათემატიკის მასწავლებელთა ასოციაციის“ ტრენერები გადაამზადებენ 180–ზე მეტ პედაგოგს შემდეგ საგნებში : ქართული ენა და ლიტერატურა, მათემატიკა, რუსული, გერმანული და პროფესიული უნარები.
  სულ, აფხაზეთის საჯარო სკოლების პედაგოგებზე გამოიყო- 650 ვაუჩერი. აქედან, ოკუპირებული ზონის პედაგოგებზე–560; ხოლო აფხაზეთის საჯარო სკოლების პედაგოგებზე–90 ვაუჩერი.