|
|
პრეს-რელიზები
2010-07-30
აფხაზეთის განათლებისა და კულტურის მინისტრი დალი ხომერიკი 2010 წლის საქართველოს წარჩინებულ აფხაზეთის საჯარო სკოლების მოსწავლეებს ოქროსა და ვერცხლის მედლებს გადასცემს
30ივლისს, 16:00 საათზე, სასტუმროში „ამბასადორი“ აფხაზეთის განათლებისა და კულტურის სამინისტრო 2010 წლის საქართველოს წარჩინებული მოსწავლეების აფხაზეთის საჯარო სკოლების ოქროსა და ვერცხლის მედალოსანი კურსდამთავრებულების დაჯილდოებასთან დაკავშირებულ საზეიმო მიღებას გამართავს. განათლების მინისტრი, დალი ხომერიკი პირადად მიულოცავს აფხაზეთის საჯარო სკოლების მოსწავლეებს ამ წარმატებას და ოქროსა და ვერცხლის მედლებს გადასცემს. წელს აფხაზეთის საჯარო სკოლებს 795 კურსდამთავრებული ჰყავს, აქედან –315 ოკუპირებული ზონის (გალის რაიონის) მოსწავლეა. აფხაზეთის საჯარო სკოლებში 26 მედალოსანი მოსწავლეა: აფხაზეთის საჯარო სკოლები- 1 ოქრო და 16 ვერცხლი; კონფლიქტის ზონა– 3 ოქრო და 6 ვერცხლი.
|
2010-06-22
„ერუდიტი 2010“ ფინალი
დღეს 14:00 საათზე, სოხუმის სახელმწიფო უნივერსიტეტში (პოლიტკოვსკაიას #9) ინტელექტუალურ–შემეცნებითი თამაშის „ერუდიტი 2010“ ფინალი გაიმართება. აფხაზეთიდან დევნილ 25 ფინალისტს შორის საუკეთესოს ჟიურის თავმჯდომარე, აფხაზეთის უმაღლესი საბჭოს თავმჯდომარე გია გვაზავა და ჟიურის სხვა წევრები : აფხაზეთის განათლებისა და კულტურის მინისტრის პირველი მოადგილე ალექსანდრე აპლაკოვი, თბილისის ივ. ჯავახიშვილის სახელობის თბილისის სახელმწიფო უნივერსიტეტის სრული პროფესორი ზაზა გოგინავა გამოავლენენ.
|
2010-06-21
აფხაზეთის მთავრობის თავმჯდომარე გიორგი ბარამია პროექტის “ერუდიტი 2010” ფინალისტებს აფხაზეთის მთავრობაში უმასპინძლებს
21 ივნისს, 13:00 საათზე აფხაზეთის მთავრობის თავმჯდომარე გიორგი ბარამია ინტელექტუალურ- შემეცნებითი პროექტის ”ერუდიტი 2010” ფინალისტებს შეხვდება და პირადად მიულოცავს ბავშვებს ფინალში გასვლას. პროექტი აფხაზეთის ა/რ განათლებისა და კულტურის სამინისტროს ინიციატივითა და ფონდის ”ჰარმონია და მშვიდობა” მხარდაჭერით ხორციელდება, რომელშიც აფხაზეთის საჯარო და ოკუპირებული ტერიტორიის სკოლების 150 -ზე მეტი 13-17 წლამდე მოსწავლე მონაწილეობს. ფინალში გავიდა 25 მოსწავლე.
|
2010-06-05
მერი დავითაშვილის სახელობის ბავშვთა და მოზარდთა კლასიკური მუსიკის კვირეული ხელოვნების სკოლას „აფხაზეთი #1“ დაეთმობა
5 ივნისს 16:00 საათზე ყოველწლიური მერი დავითაშვილის სახელობის ბავშვთა და მოზარდთა კლასიკური მუსიკის კვირეული ხელოვნების სკოლას „აფხაზეთი #1“ უმასპინძლებს. კვირეული 16 წლამდე მოზარდებს შორის იმართება. ხელოვნების სკოლა „აფხაზეთი #1“ მესამე წელია აქტიურად მონაწილეობს და არაერთგზის ლაურეატია: 2008,09,10 წლები: ბავშვთა და მოზარდთა კლასიკური მუსიკის მეორე რესპუბლიკური ფესტივალის „იპოვე შენი ვარსკვლავი“ –გამარჯვებული; 2010 წელი– ალექსანდრე მაჭავარიანის სახელობის ფესტივალის „იპოვე შენი ვარსკვლავი–ლაურეატი.
|
2010-06-02
“თიბისი” გალერეა აფხაზეთის მხატვრის ელდარ ქავშბაიას პერსონალურ გამოფენას უმასპინძლებს
2 ივნისს, 18:00 საათზე „თიბისი“ გალერეაში გაიმართება აფხაზეთელი მხატვრის ელდარ ქავშბაიას პერსონალური გამოფენა „ეპიზოდები ჩემი მეხსიერებიდან“. მხატვრის შთაგონების წყაროს ყოველთვის წარმოადგენდა მისი ცხოვრების ცუდი თუ კარგი ეპიზოდები. რიგით მე–5 პერსონალური გამოფენა მან აფხაზეთის მოგონებებს მიუძღვნა. აღნიშნულ გამოფენაზე მხატვარი წარადგენს კონცეპტუალურ ჟანრში შესრულებულ 20 ნახატს , რომელიც მოიცავს მხატვრის ცხოვრებას მოგონებებს აფხაზეთიდან, პირველ სიყვარულს, აფხაზეთის ომში დაკარგულ მეგობრებს, მათ მონატრებას.
|
2010-06-01
აფხაზეთელი ბავშვები 1 ივნისს ბავშვთა დაცვის საერთაშორისო დღეს აღნიშნავენ
1 ივნისს ბავშვთა დაცვის საერთაშორისო დღესთან დაკავშირებით აფხაზეთის ა/რ განათლებისა და კულტურის სამინისტრო აწყობს რიგ ღონისძიებებს: 15:00 საათზე აფხაზეთის განათლებისა და კულტურის სამინისტროში აფხაზეთის ახალგაზრდებისთვის მოეწყობა მრავალგზის საერთაშორისო კინოფესტივალის ლაურეატის ქართული ფილმის „გაღმა ნაპირი“ კინოჩვენება. ჩვენების შემდეგ 35 –მდე მოსწავლე მიიღებს მონაწილეობას ფილმის განხილვაში. ბავშვები პირადად შეხვდებიან ფილმის რეჟისორს, გიორგი ოვაშვილს და მთავრ მოქმედ გმირს, თედო ბექაურს.
|
2010-05-26
26 მაისს აფხაზეთის ახალგაზრდები საქართველოს ერთიანობისთვის მებრძოლ გმირთა ხსოვნას პატივს მიაგებენ
1918 წლის 26 მაისს თბილისში საქართველოს ეროვნულმა საბჭომ მიიღო საქართველოს დამოუკიდებლობის აქტი. საქართველოს დამოუკიდებლობის დღესთან დაკავშირებით, 26 მაისს 11:00 საათზე, აფხაზეთის საჯარო სკოლების მოსწავლეები და პედაგოგები ეწვევიან საქართველოს თავისუფლებისათვის მებრძოლი, ეროვნული მოძრაობის ლიდერის – მერაბ კოსტავას სახლ-მუზეუმს. მოზარდები დაათვალიერებენ მერაბ კოსტავას პირად ნივთებს, ბიბლიოთეკას, სამახსოვრო ფოტოებსა და გრამფირფიტებს. მერაბ კოსტავა1989 წლის 13 ოქტომბერს ავტოკატასტროფაში დაიღუპა.
|
2010-05-25
იხსნება აფხაზეთის მხატვრების ყოველწლიური საგაზაფხულო გამოფენა
25 მაისს 16:00 საათზე, საქართველოს მხატვართა კავშირის საგამოფენო დარბაზში „ფიროსმანი „ აფხაზეთის განათლებისა და კულტურის სამინისტროს მხარდაჭერით, აფხაზეთის ლიტერატურისა და ხელოვნების შემოქმედებითი კავშირისა და საქართველოს მხატვართა კავშირის ორგანიზებით იხსნება აფხაზეთის მხატვრების ყოველწლიური საგაზაფხულო გამოფენა.
|
 |
|
|
|
|
|
|
|
ინტერაქტივი
|
როგორ აფასებთ საქართველოს განათლებისა და მეცნიერების სამინისტროს მიერ განათლების სისტემაში დაგეგმილ რეფორმებს?
|
|
სულ 194 ხმა
|
თქვენი აზრით, აფხაზეთის ა/რ საჯარო სკოლებში, პირველ რიგში ყურადღება უნდა მიექცეს:
|
|
|
სულ 163 ხმა
|
მნიშვნელოვანია თუ არა, აფხაზეთის ა/რ საჯარო სკოლებში გავატაროთ სამშვიდობო განათლების პოლიტიკა?
|
|
|
სულ 166 ხმა
|
|
|
|
|
Home Page
