17/03/2010                                                           სამოქალაქო რეესტრი იწყებს სტაჟორთა მიღებას

სამოქალაქო რეესტრის სააგენტო აცხადებს კონკურსს სტაჟორთა მისაღებად თბილისისა და შემდეგ ტერიტორიულ სამსახურებში: ოზურგეთი, ლანჩხუთი, ამბროლაური, ცაგერი, ონი, ლენტეხი, ქუთაისი, ვანი, თერჯოლა, საჩხერე, ხონი, ბაღდათი, ჭიათურა, ზესტაფონი, ხარაგაული, სენაკი, წალენჯიხა, აბაშა, მარტვილი, ჩხოროწყუ, ხობი, მესტია, მცხეთა, ახალგორი, ყაზბეგი, საგარეჯო, ყვარელი, ახმეტა, სიღნაღი, დედოფლისწყარო, გურჯაანი, წალკა, დმანისი, გორი, კასპი, ქარელი, ნინოწმინდა, ახალციხე, ბორჯომი, ადიგენი, ხელვაჩაური, ქედა, შუახევი, ხულო.
საკონკურსო მოთხოვნები:
** კანდიდატი უნდა იყოს უმაღლესი განათლებით ან დამამთავრებელი კურსის სტუდენტი;
** სასურველია უცხო ენის ცოდნა (რუსული, ინგლისური);
** კომპიუტერთან მუშაობის ცოდნა (MS Office: Word, Excel, Outlook).
კონკურსში მონაწილეობის მსურველებმა სამოქალაქო რეესტრის სააგენტოს შესაბამის ზემოთაღნიშნულ ტერიტორიულ სამსახურში, სადაც სურთ გაიარონ სტაჟირება, უნდა წარადგინონ შემდეგი საბუთები:
1. ავტობიოგრაფია/CV;
2. განათლების ან შესაბამისი კვალიფიკაციის დამადასტურებელი მოწმობის ასლი;
3. პირადობის დამადასტურებელი მოწმობის ასლი;
4. ერთი ფერადი ფოტოსურათი (ზომა 3x4);
5. რეკომენდაცია.  
  საბუთების მიიღება წარმოებს 2010 წლის 17 მარტიდან ამავე წლის 23 მარტის ჩათვლით. თბილისის ტერიტორიულ სამსახურებში სტაჟირების გავლის მსურველებმა ზემოთაღნიშნული საბუთები უნდა შემოიტანონ შემდეგ მისამართზე: თბილისი, წერეთლის 67ა, ხოლო რაიონებში სტაჟირების გავლის მსურველებმა - იმ ტერიტორიულ სამსახურებში, სადაც გამოცხადებულია სტაჟირების კონკურსი.

დამატებითი ცნობები შეგიძლიათ იხილოთ სამოქალაქო რეესტრის სააგენტოს ვებ-გვერდზე: http://www.cra.gov.ge ან მიიღოთ ტელეფონზე: 35 79 20, 35 79 21, 35 79 23

27/01/2010

აფხაზეთის განათლებისა და კულტურის სამინისტრო იწვევს აფხაზეთიდან დევნილ ახალგაზრდებს მონაწილეობა მიიღონ კონკურსში ნატო–ს შესახებ. 
 თუ დაინტერესებული ხართ მიიღოთ გამოცდილება ნატო-ს შესახებ დებატებში და გაიაროთ სტაჟირება საგარეო საქმეთა სამინისტროში ან პარლამენტში, ატლანტიკური ხელშეკრულების ახალგაზრდული ასოციაცია (YATA) და საინფრომაციო ცენტრი ნატოს შესახებ 16-დან 23 წლამდე ახალგაზრდებს გიწვევთ მონაწილეობა მიიღოთ სადებატო კლუბში.  კონკურსში მონაწილეობის წესების სრული ტექსტი იხილეთ საიტის ინგლისურ ვერსიაში.

http://natoinfo.ge/?action=news⟨=eng&npid=157