სიახლეები
ხუთშაბათი, 10 დეკემბერი 2015
აფხაზეთის ავტონომიური რესპუბლიკის განათლებისა და კულტურის სამინისტრო ღრმა მწუხარებით იუწყება, რომ  გარდაიცვალა  სოხუმის ეკონომიკისა და ბიზნესის ინსტიტუტის დირექტორი, ეკონომიკურ მეცნიერებათა დოქტორი, პროფესორი გივი კილასონია და სამძიმარს უცხადებს განსვენებულის ოჯახს.
ოთხშაბათი, 9 დეკემბერი 2015
ვ. არქანიას სახელობის არტ-გალერეაში აფხაზეთის ავტონომიური რესპუბლიკის მთავრობის თავმჯდომარესთან არსებული გ. შარვაშიძის  სახელობის პრემიის 2015 წლის ლაურეატები დააჯილდოვეს. 
სამშაბათი, 8 დეკემბერი 2015
აფხაზეთის საჯარო სკოლების მოსწავლეები ვალერი არქანიას სახელობის არტ-გალერეაში მწერალსა და მეცნიერს როსტომ ჩხეიძეს შეხვდნენ. შეხვედრა აფხაზეთის განათლებისა და კულტურის სამინისტროს განათლებისა და საგანმანათლებლო პროგრამების სამსახურის პროექტის - ,,მწიგნობართა კლუბები“ ფარგლებში გაიმართა. წიგნთან გაუცხოებისა და უწიგნურობის დაძლევის მიზნით აფხაზეთის საჯარო სკოლებში წლების წინათ შეიქმნა ,,მწიგნობართა კლუბები“, სადაც ეწყობა წიგნების კითხვა, იმართება დისკუსიები წაკითხული ნაწარმოებების ირგვლივ, ტარდება შეხვედრები მწერლებთან და საინტერესო ადამიანებთან.   
ხუთშაბათი, 3 დეკემბერი 2015
3 დეკემბერი შეზღუდული შესაძლებლობის მქონე პირთა საერთაშორისო დღეა. ამ დღეს აფხაზეთის ა/რ განათლებისა და კულტურის სამინისტრო განათლების ხელშეწყობის პროგრამის  „შემეცნებითი საგანმანათლებლო პროგრამა შშმ მოზარდებისათვის“   ფარგლებში  ყოველწლიურად აღნიშნავს. 
ხუთშაბათი, 3 დეკემბერი 2015
2015 წლის 3 დეკემბერს საქართველოს პარლამენტმა აფხაზეთის N2 და N3 საჯარო სკოლების მე-12 კლასის მოსწავლეებს და დევნილ სტუდენტებს უმასპინძლა. 
ორშაბათი, 30 ნოემბერი 2015
28-29 ნოემბერს ქ.თბილისში სპორტსაზოგადოება „მართვეს“ ძიუდოს დარბაზში აფხაზეთის განათლებისა და კულტურის სამინისტროს სპორტისა და ახალგაზრდულ საქმეთა სამსახურის ინიციატივითა და ორგანიზებით, გაიმართა აფხაზეთის ომში დაღუპულ მეომართა ხსოვნის ტურნირი ძიუდოში 2001-2002, 2003-2004 წ.წ. დაბადებულ სპორტსმენთა შორის 9 წონით კატეგორიაში. ტურნირის მხარდამჭერი იყო საქართველოს ძიუდოს ეროვნული ფედერაცია.
<<   <  8910111213141516  >   >>