სიახლეები
ოთხშაბათი, 1 ივნისი 2016
აფხაზეთის ავტონომიური რესპუბლიკის მთავრობამ და აფხაზეთის ა/რ განათლებისა და კულტურის სამინისტრომ, განათლებისა და საგანმანათლებლო პროგრამების სამსახურის ორგანიზებით, 1 ივნისს - ბავშვთა დაცვის საერთაშორისო დღესთან დაკავშირებით აფხაზეთიდან დევნილი მოზარდებისთვის რამდენიმე საინტერესო, გასართობი თუ ინფორმაციული ხასიათის ღონისძიება გამართა. ღონისძიებებს ესწრებოდა აფხაზეთის ა/რ განათლებისა და კულტურის მინისტრის პირველი მოადგილე მანანა ქვაჩახია. 
ორშაბათი, 30 მაისი 2016
„ვკითხულობთ „ვეფხისტყაოსანს“  მსოფლიოს14 ენაზე“, - ასე ერქვა ლიტერატურულ-მუსიკალურ კომპოზიციას, რომელიც მოსწავლე-ახალგაზრდობის ეროვნული სასახლის  სარკეებიან  დარბაზში გაიმართა და შოთა რუსთაველის დაბადებიდან 850-ე წლისთავს მიეძღვნა. როგორც ცნობილია, 2016 წელი იუნესკომ მსოფლიოში რუსთაველის წლად  გამოაცხადა.
 
პარასკევი, 27 მაისი 2016
ეს დღე ჩვენი ქვეყნის ერთ-ერთი უმნიშვნელოვანესი დღესასწაულია. 1918 წლის 26 მაისს სახელმწიფოებრიობისათვის ხანგრძლივი ბრძოლის შემდეგ საქართველომ დამოუკიდებლობა გამოაცხადა. 
ხუთშაბათი, 26 მაისი 2016
წლეულს, 26 მაისს  აფხაზეთის  განათლებისა და კულტურის სამინისტროს სახელოვნებო განათლების სამსახურისა და აფხაზეთის შემოქმედ ბავშვთა კავშირის  „მომავლის ხმის“ მონაწილეობით მერაბ კოსტავას სახლ-მუზეუმში ჩატარდა საქართველოს დამოუკიდებლობის დღისა და ეროვნული გმირის მერაბ კოსტავას დაბადებიდან 77-ე წლისთავისადმი  მიძღვნილი შემოქმედებითი საღამო - „საქართველოვ,  გულო  ჩემო“.

საღამოში მონაწილეობდნენ აფხაზეთიდან დევნილი მოსწავლეები, სტუდენტები, პედაგოგები, აფხაზეთის ფართო საზოგადოების წარმომადგენლები. საღამოს საპატიო სტუმარი იყო  ქ.თბილისის მერი  დავით ნარმანია. 
ორშაბათი, 23 მაისი 2016
აფხაზეთის ავტონომიური რესპუბლიკის განათლებისა და კულტურის
სამინისტრო ღრმა მწუხარებასა და შეშფოთებას გამოთქვამს
ზუგდიდის რაიონის სოფელ ხურჩასთან ახალგაზრდა ვაჟკაცის,
არსებულ მძიმე რელობასთან შინაგანად შეურიგებელი
 
                                                   გიგა    ოთხოზორიას
 
 
მუხანათურად მკვლელობის გამო და თანაგრძნობას უცხადებს განსვენებულის
დედას - აფხაზეთის №1 საჯარო სკოლის მასწავლებელს ჯულიეტაჭანტურიას
და მის ოჯახს.

ხუთშაბათი, 19 მაისი 2016
აფხაზეთის ავტონომიური რესპუბლიკის განათლებისა და კულტურის სამინისტროს ორგანიზებით,  ვალერი არქანიას არტ-გალერეაში სსიპ საზოგადოებრივ კოლეჯ „მერმისის“ სამაჩაბლოდან და აფხაზეთიდან დევნილ მოსწავლეთა დეკორატიულ-გამოყენებითი ხელოვნების   ნამუშევართა გამოფენა გაიმართა. გამოფენის მიზანი იყო აფხაზეთის ახალგაზრდა შემოქმედთ ახელოვნების პოპულარიზაცია და მისი ფართო საზოგადოებისთვის გაცნობა.
<  12345678910  >   >>