იხილეთ საიტის ძველი ვერსია
იტვირთება...
აფხაზეთის ავტონომიური რესპუბლიკის განათლებისა და კულტურის სამინისტრო
  • ორშ
  • სამ
  • ოთხ
  • ხუთ
  • პარ
  • შაბ
  • კვი
272829303112
3456789
10111213141516
17181920212223
24252627282930
სიახლეები
„ალექსანდრე შერვაშიძის კატალოგის“ პრეზენტაცია გაიმართება
22.05.2017

 

აფხაზეთის ა/რ განათლებისა და კულტურის სამინისტრო 2017 წლის 22 მაისს, 16 საათზე მართავს „ალექსანდრე შერვაშიძის კატალოგის“ პრეზენტაციას სიმონ ჯანაშიას სახელობის საქართველოს მუზეუმის აუდიტორიაში (მის: ქ. თბილისი, ფურცელაძის ქუჩა, 3). ნიშანდობლივია, რომ კატალოგის პრეზენტაცია ემთხვევა ალექსანდრე შერვაშიძის საიუბილეო თარიღს, დაბადებიდან 150 წლისთავს.


„ალექსანდრე შერვაშიძის კატალოგი“ აფხაზეთის ა/რ განათლებისა და კულტურის სამინისტროს კულტურულ ფასეულობათა დაცვის სამსახურმა ქვეპროგრამის „ალექსანდრე შერვაშიძის ნამუშევრების გამოფენა და კატალოგის გამოცემა“ ფარგლებში გამოსცა. კატალოგში აფხაზი მოდერნისტი მხატვრის, სცენოგრაფისა და წიგნების ილუსტრატორის ალექსანდრე შერვაშიძის 300-მდე ნამუშევარია შესული გრაფიკის, პორტრეტების, დეკორაციებისა და ესკიზების სახით. ეს ნამუშევრები საქართველოს ეროვნული მუზეუმის ფონდებშია დაცული და მათი თავმოყრა სწორედ ამ მუზეუმთან თანამშრომლობის საფუძველზე მოხდა.


კატალოგი ფართო საზოგადოებას უკეთ გააცნობს აფხაზი, მრავალმხრივი ხელოვანის ალექსანდრე შერვაშიძის შემოქმედებასა და მოღვაწეობას.

 

პრეზენტაციაზე მოწვეულნი არიან - სამთავრობო და არასამთავრობო წრეები, ხელოვნების თემატიკაზე მომუშავე მკვლევარები, რომელთაც პრეზენტაციის ფარგლებში გადაეცემათ ალექსანდრე შერვაშიძის კატალოგი.