იხილეთ საიტის ძველი ვერსია
იტვირთება...
აფხაზეთის ავტონომიური რესპუბლიკის განათლებისა და კულტურის სამინისტრო
  • ორშ
  • სამ
  • ოთხ
  • ხუთ
  • პარ
  • შაბ
  • კვი
2526272829301
2345678
9101112131415
16171819202122
23242526272829
303112345
სიახლეები
აფხაზეთის ისტორიულ-არქიტექტურული ძეგლები ფოტოობიექტივში
09.01.2018

აფხაზეთის კულტურულ მემკვიდრეობაზე ზრუნვა აფხაზეთის ავტონომიური რესპუბლიკის განათლებისა და კულტურის სამინისტროს საქმიანობის ერთ-ერთი სტრატეგიული მიმართულებაა. სწორედ ამ თვალსაზრისით ახლახან დასრულდა სამინისტროს ქვეპროგრამა: ფოტოკონკურსი „აფხაზეთის ისტორიულ-არქიტექტურული ძეგლები“. ქვეპროგრამა სამინისტროს კულტურულ ფასეულობათა დაცვის სამსახურმა განახორციელა და გულისხმობდა აფხაზეთის ავტონომიური რესპუბლიკის ტერიტორიაზე დარჩენილი კულტურული მემკვიდრეობის (ეკლესია, სასახლე, ხიდი, ციხე, კოშკი, საინჟინრო ნაგებობები და სხვა, ან მათი ნაშთები) ამსახველი ფოტომასალის მოპოვებას, ფირზე მათი ამჟამინდელი მდგომარეობის აღბეჭდვას, რათა ახალგაზრდები გაეცნონ აფხაზეთში არსებულ ჩვენს ისტორიულ-არქიტექტურულ მემკვიდრეობას.

 

კონკურსში მონაწილეობდნენ ოკუპირებული გალის რაიონის ტერიტორიაზე მცხოვრები და ამ საკითხით დაინტერესებული პირები, მიუხედავად მათი ასაკისა და მოქალაქეობისა. მათ შესაძლებლობისა და კონკურსის მოთხოვნების შესაბამისად, აფხაზეთის ა/რ ტერიტორიაზე არსებული კულტურული მემკვიდრეობის ძეგლები ფოტოზე აღბეჭდეს.

 

ფოტოკონკურსის ფარგლებში, სამინისტროში სპეციალურად შექმნილმა კომისიამ გამოავლინა 2 გამარჯვებული, რომლებიც მობილური ტელეფონებით დაჯილდოვდნენ. ფოტოკონკურსის ფარგლებში შემოვიდა: ბედიის, ილორის, ბომბორისა და ბზიფის ეკლესიების ამსახველი ფოტომასალა, რომლის მიხედვით ამ ძეგლების რეალური მდგომარეობა გამოიკვეთა. კერძოდ, ბედიის ტაძარში ბაგრატ III ფრესკა სრულიად განადგურებულია. აგრეთვე, ამ მასალით დადგინდა, რომ სოფელ ბომბორაში არის ორი ეკლესია - X საუკუნის ეკლესია, რომლის ფოტოებიც ფოტოკონკურსის შედეგად მივიღეთ და ამავედროს არის XIX საუკუნის სხვა საეკლესიო ნაგებობაც.