აფხაზეთის ა/რ განათლებისა და კულტურის სამინისტრომ ,,განათლების ხელშეწყობის პროგრამის“ ქვეპროგრამა ,,თანაბარი შესაძლებლობები-თანაბარი მზრუნველობა“ ფარგლებში აფხაზეთიდან დევნილ და საქართველოს სხვადასხვა რეგიონში მცხოვრებ 25-მდე შეზღუდული შესაძლებლობების მქონე ბავშვს ექსკურსია მოუწყო. დღის განმავლობაში მოზარდებმა დაათვალიერეს ანანურისა და შიო მღვიმის სამონასტრო კომპლექსები და ბაზალეთის ტბა.

პროექტში მონაწილე ყველა ბავშვი უზრუნველყოფილი იყო კვებით. ექსკურსიის ბოლოს ყველა მოზარდს გადაეცა სამახსოვრო საჩუქრები. 
პროექტის მიზანია სპეციალური საგანმანათლებლო საჭიროებების მქონე ბავშვების ფსიქო-სოციალური რეაბილიტაცია, მათი შესაძლებლობების გამოვლენა და განვითარება, ჯანმრთელობისა და განათლების ხარისხის გაუმჯობესებისა და საზოგადოებაში ინტეგრაციის ხელშეწყობა.