იხილეთ საიტის ძველი ვერსია
იტვირთება...
აფხაზეთის ავტონომიური რესპუბლიკის განათლებისა და კულტურის სამინისტრო
  • ორშ
  • სამ
  • ოთხ
  • ხუთ
  • პარ
  • შაბ
  • კვი
1234567
891011121314
15161718192021
22232425262728
293012345
სიახლეები
2019 წლის „აფხაზეთის ავტონომიური რესპუბლიკის ეტალონი მოსწავლე“ გამოვლინდა
11.04.2019

ქ. თბილისში, აფხაზეთის ავტონომიური რესპუბლიკის განათლებისა და კულტურის სამინისტროს ვალერი არქანიას არტ-გალერეაში საქართველოს ეროვნული ინტელექტ-ჩემპიონატი გაიმართა. „აფხაზეთის ავტონომიური რესპუბლიკის ეტალონი მოსწავლის“ გამოსავლენად ერთმანეთს აფხაზეთის საჯარო და ოკუპირებული გალის რაიონის სკოლების მოსწავლეები შეეჯიბრნენ (სულ 65 მოსწავლე).

ინტელექტ-ჩემპიონატის დაწყებამდე გოჩა ტყეშელაშვილმა „2017-2018 სასწავლო წლის აფხაზეთის ა/რ ეტალონ მოსწავლეს“ სკოლის ღირსეული წარმოჩენისთვის ოქროს ფონდის წევრობის დამადასტურებელი დიპლომი გადასცა, მის მშობლიურ სკოლას კი დიპლომი „ეტალონი მოსწავლის“ აღზრდისთვის. თავის მხრივ 2017-2018 წლის „აფხაზეთის ა/რ ეტალონი მოსწავლემ“ მონაწილეები გაამხნევა და ნათია თოდუას სიმღერა აფხაზეთზე - „ფრთამოტეხილი მაფშალია“ შეასრულა.

2019 წლის „აფხაზეთის ავტონომიური რესპუბლიკის ეტალონი მოსწავლის“ ტიტულს აფხაზეთის №1 საჯარო სკოლის მოსწავლე მარიამ არშბა დაეუფლა (74 ქულა) და მან საქართველოს ეროვნული ინტელექტ-ჩემპიონატის გრანდიოზულ ფინალში მონაწილეობის უფლება მოიპოვა; მე-2 ადგილზე გავიდა აფხაზეთის №1 საჯარო სკოლის მოსწავლე სალომე ჩარგაზია (69 ქულა); მე-3 ადგილის მფლობელი გახდა ოკუპირებული გალის რაიონის ერთ-ერთი საშუალო სკოლის მოსწავლე (66 ქულა).

მომდევნო ადგილები შემდეგნაირად გადანაწილდა: მე-4 ადგილი - აფხაზეთის №11 საჯარო სკოლის მოსწავლე ლანა ჯგუბურია (65 ქულა); მე-5 ადგილი - ოკუპირებული გალის რაიონის ერთ-ერთი საშუალო სკოლის მოსწავლე (63 ქულა); მე-6 ადგილი - აფხაზეთის №11 საჯარო სკოლის მოსწავლე რამინ ბერაია (63 ქულა); მე-7 ადგილი - აფხაზეთის №3 საჯარო სკოლის მოსწავლე რევაზ ჩაკვეტაძე (62 ქულა); მე-8 ადგილი - აფხაზეთის №3 საჯარო სკოლის მოსწავლე ანა შელია (60 ქულა); მე-9 ადგილი - აფხაზეთის №10 საჯარო სკოლის მოსწავლე ჯონი ყალიჩავა (60 ქულა).

საქართველოს ეროვნულ ინტელექტ-ჩემპიონატს ესწრებოდნენ: აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის განათლებისა და კულტურის მინისტრი მანანა ქვაჩახია, აფხაზეთის ა/რ განათლებისა და კულტურის მინისტრის მოადგილე - ბესიკ ოდიშარია, აფხაზეთის ა/რ განათლების და კულტურის საგანმანათლებლო პროგრამების სამსახურის უფროსი – ნინო ლობჟანიძე, გალის საგანმანათლებლო რესურსცენტრის ხელმძღვანელი – ნონა შონია, აფხაზეთის საჯარო სკოლების წარმომადგენლები, დირექტორები, პედაგოგები, მოსწავლეები და მათი მშობლები.