იხილეთ საიტის ძველი ვერსია
იტვირთება...
აფხაზეთის ავტონომიური რესპუბლიკის განათლებისა და კულტურის სამინისტრო
  • ორშ
  • სამ
  • ოთხ
  • ხუთ
  • პარ
  • შაბ
  • კვი
293012345
6789101112
13141516171819
20212223242526
272829303112
სიახლეები
როლანდ ნიჟარაძემ აფხაზეთის საჯარო სკოლების კურსდამთავრებულებს სკოლის დამთავრება მიულოცა
21.05.2020

 

აფხაზეთის ავტონომიური რესპუბლიკის განათლებისა და კულტურის სამინისტრომ აფხაზეთის საჯარო სკოლების კურსდამთავრებულებთან ვიდეოკონფერენცია გამართა. აფხაზეთის ავტონომიური რესპუბლიკის განათლებისა და კულტურის მინისტრმა როლანდ ნიჟარაძემ ახალგაზრდებს მათი ცხოვრების ერთ-ერთი უმნიშვნელოვანესი მოვლენა - სკოლის დამთავრება მიულოცა და შემდგომი წარმატებები უსურვა მომავალ გზაზე, რომელიც ახალ ურთიერთობებს, გამოცდილებებს და გამოწვევებს უკავშირდება.
 
ვიდეოკონფერენციაში აფხაზეთის №1, №2, №3, №5, №6, №7, №10, №11, №12, №14, №15, №21 საჯარო სკოლების კურსდამთავრებულები - გიორგი ჯახია, ნინო ჯომიდავა, ანა შელია, მარი ბოჭორიშვილი, მარიამ გიგიაძე, გიგი გოგია, საბიანა კაჭარავა, ლუკა არონია, რომეო მალაზონია, ნინო თაკალანძე, ლედი პარკაია და ქრისტინა ხურცილავა მონაწილეობდნენ.
 
როლანდ ნიჟარაძემ საუბრის დასაწყისშივე ყურადღება გაამახვილა იმ გარემოებაზე, რომ ჩვეულებრივი საზეიმო ცერემონიალები - ბოლო ზარი, ბანკეტი და ა. შ. წლეულს მსოფლიო მასშტაბის გამოწვევამ - პანდემიამ რადიკალურად შეცვალა. მისივე თქმით, მთელ მსოფლიოში შექმნილმა საგანგებო მდგომარეობამ, მართალია, ბევრი რამ გაართულა და გააფერმკრთალა, მაგრამ ბევრ რამესაც სხვა დატვირთვა შესძინა. მათ შორის ახალგაზრდებს საკუთარ თავში განსაცდელსა და სგანგებო ვითარებაში ცხოვრებისა და საქმიანობის შესაძლებლობები მოაძიებინა. დისტანციური სწავლება - ეს იყო ერთ-ერთი ახალი გამოწვევა, რომელსაც როგორც მოსწავლეებმა, ისე პედაგოგებმა კარგად გაართვეს თავი, რისთვისაც მინისტრმა თითოეულ მათგანს მადლობა გადაუხადა.
 
გარდა ამისა, როლანდ ნიჟარაძემ კურსდამთავრებულებს შეახსენა, რომ მათ კიდევ ერთი მნიშვნელოვანი მისია აკისრიათ, ახსოვდეთ აფხაზეთი და ყველაფერი გააკეთონ აფხაზ თანატოლებთან დასაახლოებლად და მათთან საერთო ენის გამოსანახავად. ახალგაზრდებმა მადლობა გადაიხადეს კეთილი სურვილებისა და მთელი 12 წლისათვის.
 
ვიდეოკონფერენციას ესწრებოდნენ აფხაზეთის ავტონომიური რესპუბლიკის განათლებისა და კულტურის მინისტრის პირველი მოადგილე ირაკლი გელენავა და მინისტრის მოადგილე ირმა კეკელიძე.