იხილეთ საიტის ძველი ვერსია
იტვირთება...
აფხაზეთის ავტონომიური რესპუბლიკის განათლებისა და კულტურის სამინისტრო
  • ორშ
  • სამ
  • ოთხ
  • ხუთ
  • პარ
  • შაბ
  • კვი
293012345
6789101112
13141516171819
20212223242526
272829303112
სიახლეები
აფხაზეთის ტიტულოვან სპორტსმენებთან და მწვრთნელებთან ვიდეოკონფერენცია გაიმართა
29.05.2020

აფხაზეთის ავტონომიური რესპუბლიკის განათლებისა და კულტურის სამინისტრომ აფხაზეთის ტიტულოვან სპორტსმენებთან და მწვრთნელებთან კორონავირუსით გამოწვეულ რთულ ვითარებასა და ამ ვითარებიდან გამოსვლის საკითხებზე ვიდეოკონფერენცია გამართა.

 

აფხაზეთის ავტონომიური რესპუბლიკის განათლებისა და კულტურის მინისტრმა როლანდ ნიჟარაძემ პანდემიის გამო როგორც ყველა, ისე სპორტის სფეროში შექმნილ საგანგებო მდგომარეობაზე საუბრის შემდეგ აღნიშნა, რომ „აფხაზეთი ყოველთვის იყო სახელოვანი სპორტსმენების, ოლიმპიური და მსოფლიო ჩემპიონების სამჭედლო. ეს ტრადიცია კი არც აფხაზეთის ომის შემდეგ დარღვეულა და აფხაზეთის მკვიდრნი, აწ უკვე იქიდან იძულებით გადაადგებული პირები, ისევ ღირსეულ ადგილებს იკავებენ სპორტის სხვადასხვა სახეობაში, ქვეყნის შიგნით თუ მის ფარგლებს გარეთ“.

 

ვიდეოკონფერენციაშიც მონაწილეობდნენ: ირაკლი ცხოვრებაშვილი, სამგზის მსოფლიო ჩემპიონი ძალისმიერ სამჭიდში; გიორგი კეპულაძე, აფხაზეთის ფარიკაობის ფედერაციის პრეზიდენტი; დათო ზარქუა, აფხაზეთის ჭადრაკის ფედერაციის პრეზიტენტი; ლიკა ქაჯაია, კალათბურთის გუნდ „სოხუმის“ მთავარი მწვრთნელი; ნათია ფრუიძე, მსოფლიო ჩემპიონი კარატეში; დავით თაქთაქიშვილი, სოხუმის „დინამოს“ მთავარი მწვრთნელი და გოგიტა არქანია, მსოფლიო ჩემპიონი კარატეში.

 

თითოეულმა მათგანმა განაცხადა, რომ აქტიური სპორტული საქმიანობისთვის მზად არიან. თუმცა, იქვე დასძინეს, რომ არც ტიტულოვან და არც მოზარდ სპორტსმენებს, შესაძლებლობისამებრ, ინდივიდუალური ვარჯიში არ შეუწყვეტიათ და ჩვეულ ფორმას ინარჩუნებენ. ფეხბურთის გუნდი დინამო „სოხუმი“ და კალათბურთის გუნდი „სოხუმი“ სტადიონების კარების გაღებას, აქტიური ვარჯიშის დაწყებასა და ჩემპიონატების განახლებას ელოდებიან. ამასთანავე დინამო „სოხუმის“ მთავარმა მწვრთნელმა დავით თაქთაქიშვილმა აღნიშნა, რომ აქვთ სავარჯიშო ბაზის პრობლემა, რომლის გადასაჭრელადაც აფხაზეთის ავტონომიური რესპუბლიკის განათლებისა და კულტურის სამინისტროსთან ერთად მუშაობენ. მისივე თქმით, გარკვეული სიძნელეების დაძლევის შემდეგ მალე მწყობრში ჩადგება ანატოლი (გიგა) ნორაკიძის სახელობის დინამო „სოხუმის“ ბავშვთა საფეხბურთო აკადემიაც.

 

აფხაზეთის ავტონომიური რესპუბლიკის განათლებისა და კულტურის სამინისტროს სპორტისა და ახალგაზრდულ საქმეთა სამსახურის უფროსმა ვიტალი ბენდელიანმა ხაზი გაუსვა სამინისტროსა და აფხაზეთის სპორტსმენებსა და სპორტულ გუნდებს შორის არსებული მჭიდრო ურთიერთობისა და თანამშრომლობის კარგ ტრადიციას, რომელიც მომავალში კიდევ უფრო გაღრმავდება.

 

ვიდეოკონფერენციას ესწრებოდნენ აფხაზეთის ავტონომიური რესპუბლიკის განათლებისა და კულტურის მინისტრის პირველი მოადგილე ირაკლი გელენავა და მინისტრის მოადგილე ირმა კეკელიძე.