იხილეთ საიტის ძველი ვერსია
იტვირთება...
აფხაზეთის ავტონომიური რესპუბლიკის განათლებისა და კულტურის სამინისტრო
  • ორშ
  • სამ
  • ოთხ
  • ხუთ
  • პარ
  • შაბ
  • კვი
31123456
78910111213
14151617181920
21222324252627
2829301234
სიახლეები
აფხაზეთის ავტონომიური რესპუბლიკის განათლებისა და კულტურის სამინისტროს, პანდემიის გათვალიწინებით, ქვეპროგრამაში „ქართულ-აფხაზური კულტურის პოპულარიზაცია“ შესწორებები შეაქვს
24.07.2020

პოპულარიზაცია“ შესწორებები შეაქვს

 

მსოფლიო პანდემიის დროს ყველაზე მეტად კულტურის სფერო დაზარალდა. გაურკვეველი ვადით გადაიდო ან სრულიად გაუქმდა მთელი რიგი კულტურული ღონისძიებები. ბუნებრივია, ეს პროცესი უარყოფითად აისახა აფხაზეთის ავტონომიური რესპუბლიკის განათლებისა და კულტურის სამინისტროს „კულტურული ღონისძიებების მხარდაჭერის“ პროგრამით გათვალისწინებული ქვეპროგრამის „ქართულ-აფხაზური კულტურის პოპულარიზაცია“ განხორციელებაზეც. ამის გამო დღემდე არცერთი განაცხადი არ შემოსულა. არსებული მდგომარეობის გათვალისწინებით სამინისტრომ მიზანშეწონილად მიიჩნია გარკვეული ცვლილება შეეტანა ქვეპროგრამის შინაარსში და დაინტერესებული საზოგადოებისთვის გაცილებით ფართო, მრავლისმომცვლელი, კულტუროლოგიური ჭრილით წარმოედგინა.

ქვეპროგრამა „ქართულ-აფხაზური კულტურის პოპულარიზაცია“ ახალი ვარიანტი ითვალისწინებს არა მხოლოდ ქართულ-აფხაზური კულტურის პოპულარიზაციას, არამედ ერთიანი ისტორიული წარსულისა და კულტურული მემკვიდრეობის წარმოჩენას; ისტორიულ-კულტურული ტერიტორიების და ობიექტების, შენობა-ნაგებობების, კულტურის უძრავი და მოძრავი ძეგლების, ფოლკლორის, მხატვრული სუვენირების, ხალხური რეწვის და ხელობის, პროფესიული ხელოვნების დარგებისა და ლიტერატურის, სახელოვნებო განათლების და მასთან დაკავშირებული პედაგოგიკის, სამეცნიერო კვლევისა და მეთოდიკის, ტექნოლოგიების, კულტურული და შემოქმედებითი მოღვაწეობის პოპულარიზაციას და გაშუქებას; კულტურულ - გასართობი შემეცნებითი პროგრამების მხარდაჭერას; საქართველოს და საერთაშორისო აუდიტორიის წინაშე აფხაზეთის კულტურის, ისტორიული წარსულისა და კულტურული მემკვიდრეობის წარდგენას, როგორც ერთიანი ქართული კულტურული მემკვიდრეობის ნაწილისა.

შემოსული განაცხადებების თანადაფინანსების საკითხს განიხილავს და შესაბამის გადაწყვეტილებას იღებს სამინისტროში შექმნილი სპეციალური კომისია.

შესწორებული ქვეპროგრამა დანართთან ერთად იხილეთ აქ.