ეკა ხოფერიამ წარმატებულ ფეხბურთელ ირინა ხაბურზანიას სამინისტროს სიგელი გადასცა
ლანჩხუთის „გურიას“ ქალ ფეხბურთელთა გუნდის წევრი, საქართველოს სამგზის ჩემპიონი ირინა ხაბურზანია აფხაზეთის ავტონომიური რესპუბლიკის განათლებისა და კულტურის სამინისტროს სტუმრობდა.
21 წლის ირინა ხაბურზანია აფხაზეთში, გალის რაიონში დაიბადა და გაიზარდა. ის 2014 წლიდან ქუთაისის „მართვეში“ თამაშობდა, 2018 წლიდან კი საფეხბურთო გუნდ „ლანჩხუთში“ გადავიდა.
აფხაზეთის ავტონომიური რესპუბლიკის განათლებისა და კულტურის მინისტრმა ეკა ხოფერიამ წარმატებულ ქალ ფეხბურთელს სამინისტროს სიგელი გადასცა და შემდგომი წარმატებები უსურვა.
შეხვედრის ორგანიზატორი იყო სამინისტროს სპორტისა და ახალგაზრდულ საქმეთა სამსახური.
