აფხაზეთის ავტონომიური რესპუბლიკის განათლებისა და კულტურის მინისტრმა ეკა ხოფერიამ მინისტრის ერთ-ერთ მოადგილედ ნინო ლობჟანიძე დანიშნა.

 

ინფორმაციისთვის: ნინო ლობჟანიძემ 1997 წელს ივანე ჯავახიშვილის სახელობის თბილისის სახელმწიფო უნივერსიტეტის სოხუმის ფილიალის ბიოლოგია-გეოგრაფიის ფაკულტეტი დაამთავრა, 2001 წელს კი საქართველოს მეცნიერებათა აკადემიის რადიაციული ბიოლოგიისა და რადიაციული ეკოლოგიის სამეცნიერო ცენტრის ასპირანტურა (რადიობოლოგი).

 

ნინო ლობჟანიძე აფხაზეთის ავტონომიური რესპუბლიკის განათლებისა და კულტურის სამინისტროში 2014 წლიდან დღემდე განათლების და საგანმანათლებლო პროგრამების სამსახურის უფროსი იყო. ის სამინისტროში 2005 წლიდან მუშაობს და ამ ხნის განმავლობაში აქ მთავარი სპეციალისტის პოზიციიდან დაწყებული ყველა საფეხური თანმიმდევრულად გაიარა.