30 წლის წინათ, 1991 წლის 31 მარტს საქართველოში ჩატარდა რეფერენდუმი, რომელზეც საზოგადოებამ ერთსულოვნად დაუჭირა მხარი საქართველოს სახელმწიფოებრივი დამოუკიდებლობის აღდგენას.

 

ამ ისტორიული დღის მთავარი მოქმედი პირი იყო საქართველოს პირველი პრეზიდენტი ზვიად გამსახურდია, რომლის დაბადების დღეცაა 31 მარტი.

 

ფასდაუდებელია ზვიად გამსახურდიას ღვაწლი საქართველოს დამოუკიდებლობისათვის ბრძოლის ქარცეცხლში: მან 1991 წლის 9 აპრილს, პარლამენტის სხდომათა დარბაზში, 31 მარტის რეფერენდუმის შედეგების საფუძველზე, საქართველოს დამოუკიდებლობა გამოაცხადა და ამით მრავალი თაობის ქართველთა ოცნება აახდინა.