აფხაზეთის ბავშვთა საფეხბურთო ფესტივალის გამარჯვებული საბერიოს გუნდი "ენგური" გახდა
აფხაზეთობისა და და საქართველოს დამოუკიდებლობის დღესთან დაკავშირებით, ზუგდიდის სოფელ კახათის სტადიონზე ლეგენდარული ქართველი ფეხბურთელების გიორგი სიჭინავასა და ვლადიმერ (სიომა) ბარქაიას სახელობის აფხაზეთის ბავშვთა საფეხბურთო ფესტივალი ჩატარდა.
ფესტივალის გამარჯვებული გახდა საბერიოს გუნდი „ენგური“, მეორე და მესამე საპრიზო ადგილებზე გავიდნენ გუნდები - „რიყე“ და „ანაკლია“.
ტურნირს ესწრებოდნენ აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, ზუგდიდის მუნიციპალიტეტის მერიის მოვალეობის შემსრულებელი კონსტანტინე კაკავა, ალენ პრინცი მიურატი, აფხაზეთის ფეხბურთის ფედერაციის პრეზიდენტი სოსო მალანია, აფხაზეთის განათლებისა და კულტურის სამინისტროს, კულტურის სპორტისა და ახალგაზრდული პოლიტიკის სამსახურის უფროსის მოადგილე ვიტალი ბენდელიანი და სხვ.
ფესტივალი შპს ბავშვთა საფეხბურთო კლუბ „კოლხას“ ორგანიზებით და აფხაზეთის ა/რ განათლებისა და კულტურის სამინისტროსა და ზუგდიდის მუნიციპალიტეტის მერიის მხარდაჭერით ჩატარდა.
