აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის ავტონომიური რესპუბლიკის განათლებისა და კულტურის მინიტრი ეკა ხოფერია და კავკასიის უნივერსიტეტის პრეზიდენტი კახა შენგელია თბილისში განთავსებულ აფხაზეთის №2 საჯარო სკოლას ეწვივნენ.

 

სტუმრებმა პირველკლასელებს სწავლის დაწყება, ხოლო მოსწავლეებსა და მასწავლებლებს სასწავლო წლის საკლასო ოთახებში გაგრძელება მიულოცეს და წარმატებები უსურვეს.

 

რუსლან აბაშიძემ და ეკა ხოფერიამ მადლობა გადაუხადეს კავკასიის უნივერსიტეტსა და მის პრეზიდენტს კახა შენგელიას აფხაზეთის №2 საჯარო სკოლისთვის გაწეული თანადგომისთვის - გარემონტებული შემოსასვლელისა და ახალი სასკოლო ინვენტარისთვის.

ამასთანავე რუსლან აბაშიძემ და ეკა ხოფერიამ პირველკლასელებს საბავშვო წიგნები და სასკოლო ნივთები დაურიგეს.