ტურნირი მაგიდის ჩოგბურთში - “ჩვენი აფხაზეთი“ - ორგანიზებული იყო აფხაზეთის ავტონომიური რესპუბლიკის განათლებისა და კულტურის სამინისტროს კულტურის, სპორტისა და ახალგაზრდული პოლიტიკის სამსახურისა და აფხაზეთის ა/რ მაგიდის ჩოგბურთის ფედერაციის მიერ.

 

ტურნირის ჩემპიონი გახდა აფხაზეთის ა/რ უმაღლესი საბჭოს წარმომადგენელი - გიორგი გვასალია, ხოლო მეორე და მესამე ადგილები დაიკავეს აფხაზეთის ა/რ დევნილთა სამინისტროს გუნდის წარმომადგენელმა ჟიული შოგირაძემ და იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის გუნდის წარმომადგენელმა გიორგი გაგილაძემ.

 

ტურნირი მიზნად ისახავდა საჯარო სამსახურებში ჯანსაღი ცხოვრების წესის დამკვიდრების ხელშეწყობასა და სპორტის ამ სახეობის პოპულარიზაციას.