აფხაზეთის საგუნდო კაპელამ საქველმოქმედო კონცერტი - "სოფოსთვის" გამართა
აფხაზეთის გურამ ყურაშვილის სახელობის სახელმწიფო საგუნდო კაპელამ დიმიტრი ჯაიანის სახელობის დარბაზში კაპელის წევრის, სოფია კვიციანის დასახმარებლად საქველმოქმედო კონცერტი გამართა. კონცერტი აფხაზეთის ავტონომიური რესპუბლიკის განათლებისა და კულტურის სამინისტროს მიერ იყო ორგანიზებული.
კონცერტს აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის ა/რ განათლებისა და კულტურის მინისტრი ეკა ხოფერია, აფხაზეთის ა/რ უმაღლესი საბჭოს თავმჯდომარე ჯემალ გამახარია, აფხაზეთის ა/რ მთავრობისა და უმაღლესი საბჭოს წევრები და სოფიას გულშემატკივრები ესწრებოდნენ.
აფხაზეთის საგუნდო კაპელის მომღერალი სოფია კვიციანი საჭიროებს გადაუდებელ მკურნალობას, რაც დიდ თანხებთანაა დაკავშირებული. საქველმოქმედო კონცერტიდან შემოსული თანხა კი მის დასახმარებლად შექმნილ ანგარიშზე სრულად გადაირიცხება.
დახმარების მსურველებს კვლავაც შეგიძლიათ თანხა ჩარიცხოთ ანგარიშზე: GE70TB5991745063622471; მიმღები - სოფია კვიციანი
დანიშნულებაში მიუთითეთ "სოფოს მეგობრები", ქვითრის ასლი გამოაგზავნეთ შემდეგ მისამართზე: Buuuk@yahoo
