იხილეთ საიტის ძველი ვერსია
იტვირთება...
აფხაზეთის ავტონომიური რესპუბლიკის განათლებისა და კულტურის სამინისტრო
  • ორშ
  • სამ
  • ოთხ
  • ხუთ
  • პარ
  • შაბ
  • კვი
28293031123
45678910
11121314151617
18192021222324
2526272829301
სიახლეები
კარიერის სწორად დაგეგმვის მიზნით
24.10.2016

21 ოქტომბერს აფხაზეთის №1,  №11,  №12,  № 14,  №15 საჯარო სკოლების 50 მოსწავლე შოთა მესხიას ზუგდიდის სახელმწიფო სასწავლო უნივერსიტეტს ეწვია. სტუმრობა აფხაზეთის ავტონომიური რესპუბლიკის განათლებისა და კულტურის სამინისტროს ქვეპროგრამის „კარიერის დაგეგმვა, პროფესიული სახელობო სწავლება სკოლებში“ ფარგლებში გაიმართა. ქვეპროგრამა წარმოადგენს სამინისტროს მუშაობის სტრატეგიის ერთ-ერთ პრიორიტეტულ მიმართულებას და მისი მიზანია უფროსკლასელი მოსწავლეებისათვის დახმარების გაწევა მომავალი პროფესიული საქმიანობის  გააზრებულად არჩევასა და კარიერის სწორად დაგეგმვაში.  

სტუმრობისას მოსწავლეებს მიაწოდეს ინფორმაცია სახელმწიფო პროფესიულ საგანმანათლებლო პროგრამებთან დაკავშირებით. ამასთანავე, ხაზი გაესვა პროფესიულ განათლებას, როგორც საქართველოს განათლებისა და მეცნიერების სამინისტროს მთავარ სტრატეგიულ, ხოლო უნივერსიტეტისთვის პრიორიტეტულ მიმართულებას. საქართველოს განათლებისა და მეცნიერების სამინისტროს მხარდაჭერით შოთა მესხიას ზუგდიდის სახელმწიფო სასწავლო უნივერსიტეტში სრულად ფინანსდება და ხორციელდება ბიზნესის ადმინისტრირების, ჯანდაცვის, სამართლის, აგრარული, ხელოვნების, სამშენებლო და საინჟინრო მიმართულებები. მოსწავლეებს ჩაუტარდათ ლექცია პროფესიული მიმართულებების, ამ დარგში დანერგილი ინოვაციების, ახალი მოდულების შესახებ. მოსწავლეებმა დაათვალიერეს მედდის ოთახი, მულაჟები, რითაც მედდები სწავლობენ რეალურ მანიპულაციებს, ფარმაცევტებისათვის მოწყობილი სპეციალური მოდელირებული აფთიაქი, სახელოსნო და სტუდენტების საერთო საცხოვრებელი.