აფხაზეთის ავტონომიური რესპუბლიკის უმაღლესი საბჭოს თავმჯდომარის პირველი მოადგილე თამაზ ხუბუა და უმაღლესი საბჭოს საერთაშორისო კავშირების, განათლებისა და კულტურის საკითხთა კომიტეტის თავმჯდომარე ნუგზარ მგალობლიშვილი აფხაზეთის ა/რ განათლებისა და კულტურის სამინისტროში მინისტრ ეკა ხოფერიასა და სამინისტროს თანამშრომლებს შეხვდნენ.

 

შეხვედრაზე დეპუტატებმა აღნიშნეს, რომ აფხაზეთის ა/რ განათლებისა და კულტურის სამინისტრო აფხაზეთის აღმასრულებელი ხელისუფლების ერთ-ერთი ყველაზე მნიშვნელოვანი სამინისტროა თავისი უმთავრესი პრიორიტეტებითა და საგანმანათლებლო თუ კულტურული პროგრამა-პროექტებით.. ეკა ხოფერიამ თავის მხრივ სტუმრებს უახლოესი გეგმები და გამოწვევები გააცნო.

 

დასასრულ დიალოგის მონაწილეებმა აფხაზეთის ა/რ უმაღლეს საკანონმდებლო ორგანოსა და სამინისტროს შორის სწორი კომუნიკაციის მნიშვნელობას გაუსვეს ხაზი და თანამშრომლობის პერსპექტივები დასახეს.