აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს მიზნობრივი პროგრამის ფარგლებში, ჩხოროწყუში მდებარე აფხაზეთის №10 საჯარო სკოლის მოსწავლეებს სამედიცინო გამოკვლევები ჩაუტარდათ.

 

სკოლას ამავე დროს აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის ა/რ განათლებისა და კულტურის მინისტრი ეკა ხოფერია და აფხაზეთის ა/რ ჯანმრთელობისა და სოციალური დაცვის მინისტრი ქეთევან ბაკარაძე სტუმრობდნენ.

 

ეკა ხოფერიამ აფხაზეთის ა/რ განათლებისა და კულტურის სამინისტროს პროგრამის ფარგლებში, სკოლას საჩუქრად კომპიუტერები ჩაუტანა.

 

გარდა ამისა, რუსლან აბაშიძემ და ეკა ხოფერიამ პედკოლექტივთან სკოლის ინფრასტრუქტურული პრობლემის მოგვარების - წლების განმავლობაში იჯარით აღებული შენობის ალტერნატიული ფართის მოძიებისა თუ ახალი შენობის აგების - გზებზე იმსჯელეს.