იხილეთ საიტის ძველი ვერსია
იტვირთება...
აფხაზეთის ავტონომიური რესპუბლიკის განათლებისა და კულტურის სამინისტრო
  • ორშ
  • სამ
  • ოთხ
  • ხუთ
  • პარ
  • შაბ
  • კვი
262728293012
3456789
10111213141516
17181920212223
24252627282930
31123456
სიახლეები
აფხაზეთის ა/რ განათლებისა და კულტურის სამინისტროსა და აფხაზეთის საჯარო სკოლებს შორის დისტანციური სწავლების საკითხებზე ვიდეოკონფერენცია გაიმართა
29.04.2020

გაიმართა

 

აფხაზეთის ავტონომიური რესპუბლიკის განათლებისა და კულტურის სამინისტრომ, Covid-19 ვირუსის გავრცელების გამო მიმდინარე დისტანციური სწავლების საკითხებზე, აფხაზეთის საჯარო სკოლების დირექტორებთან ვიდეოკონფერენცია გამართა. ვიდეოკონფერენციის მონაწილეებს მისასალმებელი სიტყვით მიმართა აფხაზეთის ა/რ განათლებისა და კულტურის მინისტრმა როლანდ ნიჟარაძემ და შექმნილ საგანგებო ვითარებაში სკოლების სრულფასოვანი საქმიანობის უდიდეს მნიშვნელობაზე ისაუბრა. ვიდეოკონფერენციას უძღვებოდა აფხაზეთის ა/რ განათლებისა და კულტურის მინისტრის პირველი მოადგილე ირაკლი გელენავა, რომელმაც აღნიშნა, რომ დისტანციური სწავლების პროცესში აფხაზეთის ცამეტივე -№1, №2, №3, №5, №6, №7, №10, №11, №12, №14, №15, №21, №22 - საჯარო სკოლაა ჩაბმული და სკოლების დირექტორებს შესთავაზა, ესაუბრათ მუშაობის პროცესში გამოკვეთილ პრობლემებზე. აფხაზეთის საჯარო სკოლების დირექტორებს ასევე მიმართა აფხაზეთის ა/რ განათლებისა და კულტურის მინისტრის მოადგილემ ირმა კეკელიძემ.
 
აფხაზეთის ზემოთ ხსენებული საჯარო სკოლების დირექტორებმა: მზევინარ გელანტიამ, ლუიზა შონიამ, სვეტლანა რურუამ, ნუგზარ ჯომიდავამ, ნანა ჯალაღონიამ, ელისო სიჭინავამ, ოთარ აძიმბაიამ, ნატო ბენდელიანმა, ნონა წოწორიამ, ზაზა კოკაიამ, ნინო კიკნაველიძემ, ნატო ბენდელიანმა და მერაბ ჯინჯოლიამ თავიდანვე აღნიშნეს, რომ აფხაზეთის ა/რ განათლებისა და კულტურის სამინისტროს განათლებისა და საგანმანათლებლო პროგრამების სამსახურმა (უფროსი ნინო ლობჟანიძე) დროულად მიაწოდა მათ საქართველოს განათლების, მეცნიერების, კულტურისა და სპორტის სამინისტროს მიერ დისტანციური სწავლა-სწავლების პროცესთან დაკავშირებული პირველადი რეკომენდაციები და დროის გამოწვევას - დისტანციური სწავლების პროცესს მეტ-ნაკლებად მომზადებულნი შეხვდნენ.
 
ვიდეოკონფერენციის მსვლელობისას ითქვა, რომ ბევრმა სკოლამ სწავლა-სწავლების პროცესში ციფრული ტექნოლოგიების გამოყენების მიზნით, თავიდანვე დაიჭირა თადარიგი და კლასების დამრიგებლებისა და მშობლების დახმარებით შეისწავლეს თითოეული მოსწავლის კომპიუტერული უზრუნველყოფისა და ინტერნეტში წვდომის შესაძლებლობები. შემდეგ კი მოპოვებული ინფორმაციების გათვალისწინებით შედგა მუშაობის ფორმაც და გრაფიკიც. შესაბამისად განისაზღვრა ონლაინსაკომუნიკაციო პლატფორმების - Teams Microsoft-ის, Skype-ის, zoom-ის, მესენჯერის გამოყენების პირობები და მასშტაბები. კლასების მიხედვით შეიქმნა დახურული ონლაინჯგუფები, მათთვის, ვისაც კომპიუტერი და ინტერნეტზე წვდომა არა აქვთ, სატელეფონო და კომუნიკაციის სხვა საშუალებით კონცულტაციები დაინიშნა.
 
ხაზგასმით აღინიშნა, რომ დისტანციური სწავლება განსაკუთრებით გაუიოლდათ აფხაზეთის №1 და №6 საჯარო სკოლებს, რომლებიც ჩართული არიან ვებინარების (ინტერაქტიული პრეზენტაცია ინტერნეტში) ფორმით მიმდინარე „ახალი სკოლის მოდელში“, რომელთაც თანდათან მიებმება აფხაზეთის ყველა საჯარო სკოლა. ინფორმაციისთვის, „ახალი სკოლის მოდელის“ წყალობით, ყველა პედაგოგს ექნება საშუალება მიიღოს რესურსები და რეკომენდაციები იმასთან დაკავშირებით, თუ როგორ შეიძლება განხორციელდეს სწავლა-სწავლება დისტანციურ რეჟიმში სხვადასხვა საგანში.
 
როგორც ვიდეოკონფერენციაზე გაირკვა, დისტანციურ საგანმანათლებლო პროცესში ჩაბმულია აფხაზეთის საჯარო სკოლების მოსწავლეების აბსოლუტური უმრავლესობა, მხოლლოდ თითო-ოროლა გამონაკლისის გარდა, რომლებთან სატელეფონო კომუნიკაცია აქვთ შენარჩუნებული.
 
დირექტორებმა ხაზგასმით აღნიშნეს, რომ ისინი დისტანციური სწავლების პროცესში მნიშვნელოვნად იყენებენ საზოგადოებრივი მაუწყებლის ეთერში მიმდინარე საგანმანათლებლო პროექტს - „ტელესკოლა“ და თავიანთი გაკვეთილების გრაფიკს მისი გათვალისწინებით ადგენენ.
 
საბოლოოდ, დასკვის სახით შეიძლება ითქვა, რომ აფხაზეთის საჯარო სკოლები მზად არიან შემდგომი რეკომენდაციების შესასრულებლად.