იხილეთ საიტის ძველი ვერსია
იტვირთება...
აფხაზეთის ავტონომიური რესპუბლიკის განათლებისა და კულტურის სამინისტრო
  • ორშ
  • სამ
  • ოთხ
  • ხუთ
  • პარ
  • შაბ
  • კვი
2930311234
567891011
12131415161718
19202122232425
262728293012
სიახლეები
პროფესიული განათლების შესაძლებლობების გაცნობის მიზნით
07.03.2022
აფხაზეთის ავტონომიური რესპუბლიკის განათლებისა და კულტურის სამინისტრო, ,,განათლების ხელშეწყობის პროგრამის“ ფარგლებში, ახალი ქვეპროგრამის - „პროფესიული უნარების განვითარების მხარდაჭერა სკოლებში“ განხორციელებას იწყებს. ამ ინფორმაციის მიწოდებისა და პროფესიული განათლების შესაძლებლობების გაცნობის მიზნით, აფხაზეთის საჯარო სკოლების საშუალო საფეხურის მოსწავლეებთან ონლაინ საინფორმაციო შეხვედრა გაიმართა.
 
ონლაინ ჩართვაში მონაწილეობდნენ სსიპ პროფესიული უნარების სააგენტოს დირექტორის მოადგილე თამარ სამხარაძე, ზუგდიდის შოთა მესხიას სახელმწიფო სასწავლო უნივერსიტეტის რექტორი თეონა ხუფენია, კოლეჯ ,,ლაკადას“ დირექტორი თეონა ქუხილავა, აფხაზეთის ავტონომიური რესპუბლიკის მთავრობის თავმჯდომარის მრჩეველი მანანა ქვაჩახია, აფხაზეთის ავტონომიური რესპუბლიკის განათლებისა და კულტურის მინისტრის პირველი მოადგილე ნინო ლობჟანიძე და სხვ.
 
შეხვედრის მიზანი იყო პროფესიული განათლების პოპულარიზაცია ახალგაზრდებში და მათთვის დახმარების გაწევა პროფესიული არჩევანის გაკეთებისას. პროგრამა მოსწავლეებს ასევე დაეხმარება საკუთარი თავის შეცნობასა და შესაძლებლობების რეალიზებაში.
 
შეხვედრა კითხვა-პასუხის რეჟიმში წარიმართა და მოსწავლეებმა მათთვის საინტერესო საკითხებზე კვალიფიციური ინფორმაცია მიიღეს.